O estado son os datos que lembramos e que poden cambiar mentres usamos unha pantalla: un contador, unha opción seleccionada ou o nome que estamos editando.
Flutter constrúe a interface a partir deses datos. Se cambia o contador, queremos que o texto mostre o novo valor.
| Tipo de widget | Cando o usamos? |
|---|---|
StatelessWidget | Para describir unha parte da interface a partir dos datos que recibe, sen gardar estado mutable propio. |
StatefulWidget | Cando necesitamos un obxecto State asociado que garde datos cambiantes entre reconstrucións. |
Un StatelessWidget tamén pode mostrar contido diferente. Se o pai lle pasa outro nome, pode reconstruírse para mostralo. A diferenza é onde gardamos os datos que cambian, non se a pantalla parece estática ou ten botóns.
Neste tema partiremos dun contador. Despois separaremos a interface en widgets que reciben datos e callbacks. No Tema 3.4 aplicaremos isto aos menús e ás barras de Scaffold.
📚 Consulta:
