Introdución #

Xcode é o IDE de desenvolvemento software de Apple. Actualmente integra todos os elementos necesarios para o ciclo de desenvolvemento completo dunha app.

Descargar e instalar Xcode é sinxelo empregando a AppStore do sistema macOS.

• A descarga é gratuíta e necesitaremos unha conta AppleID.
• A versión 14 de Xcode, que é a versión estable dispoñible no momento de elaborar este material, é a que empregaremos durante o curso.

Xcode #

Outras ligazóns… #

Para as ligazóns mostradas a continuación é necesario que a conta appleID sexa activada como desenvolvedor. Ao entrar nas ligazóns máis abaixo, o usuario é preguntado para unirse ao programa gratuito para desenvolvedores.

Máis info -páxina oficial-: Como activar un appleID como desenvolvedor – https://developer.apple.com/es/support/app-account/

• Na seguinte ligazón é posible descargar a última versión de Xcode (tamén é posible facelo dende a AppStore, como comentei anteriormente): https://developer.apple.com/download/ (necesario conta Apple ID de desarrollador)
• Na seguinte ligazón están dispoñibles tódalas versións de Xcode para descarga: https://developer.apple.com/download/more/ (necesario conta Apple ID de desenvolvedor)
• Nesta outra ligazón hai unha táboa que sintetiza tódalas versións de Xcode coa ligazón con Apple para descarga: https://xcodereleases.com (necesario conta Apple ID de desenvolvedor)

Instalación #

Instalar dende arquivo #

Na seguinte ligazón están dispoñibles tódalas versións de Xcode para descarga: https://developer.apple.com/download/more/ (necesario conta Apple ID de desenvolvedor):

• Descarga a última versión de Xcode
• Unha vez descargado, este está comprimido. Fai clic no arquivo descargado (estará na carpeta descargas) dende o Finder de macOS (explorador de arquivos)
• Unha vez descomprimido, arrastra o arquivo ata a carpeta de aplicacións

Descargar dende a tenda de aplicacións Mac Store #

A mellor maneira de obter as últimas versións de Xcode e o iOS SDK é descargándoas desde Apple Mac Store (a tenda de aplicacións).

1. Inicia a App Store no macOS
2. Pon «Xcode» no cadro de procura
3. Fai clic en Obter botón para iniciar a instalación.

Isto instalará tanto Xcode como o SDK de iOS.

Primeira apertura #

Introdución #

Unha vez instalado con éxito o SDK e Xcode, o seguinte paso é executalo.

• Para iniciar Xcode, abrimos macOS Finder e nas aplicacións (1) buscamos Xcode e facemos clic no icono no icono (2).
• Para que sexa máis fácil a súa apertura, no icono de Xcode que aparece na barra Dock (3), pulsamos sobre el co botón dereito, e en «Opciones» prememos «Mantener en el Dock»:

A primeira vez que se executa Xcode, é posible que nos pida que instalemos compoñentes adicionais. Seguimos estes pasos, ingresando o nome de usuario e contrasinal cando se solicite.

Unha vez que se cargou Xcode, aparecerá a pantalla de Benvida desde a cal estaremos listo para continuar:

Principais elementos #

1 – Editor #

Editor de código con soporte para Swift, Objetive-C, C++ y C:

2 – Constructor de interfaces #

Permite o deseño e implementación da interface dunha app sen necesidade de empregar código. Anteriormente as interfaces se programaban con framework UIKit, para o que se empregaba o constructor de interfaces que vemos na imaxe inferior.

Nos vamos a programar a interface mediante o framewordk SwiftUI (máis moderno e eficiente ca UIKit), que non se emprega o constructor de interfaces.

3 – Emulador #

Emulador de dispositivos con todos os modelos de iPhone e iPad dispoñibles.

4 – Depurador #

Depurador de código:

5 – Playground #

Ferramenta de probas Playground para prototipos de código:

6 – Máis elementos #

• Motor de probas que permite a execución de probas unitarias, probas de interface e probas de rendemento en dispositivos físicos.
• SDK de iOS que inclúe tódalas librerías e frameworks necesarias para crear as apps.
• Integración con repositorios GitHub, Bitbucket y GitLab para traballo colaborativo.

SDK #

Existen dous elementos necesarios para desenvolver unha app nativa iOS:

• Linguaxe de programación: Swift (anteriormente empregábase Objetive-C)
• Kit de desenvolvemento de software: SDK de iOS

O SDK (kit de desenvolvemento de software) de iOS está formado por un conxunto de compoñentes que empregamos para crear a nosa app iOS.

O SDK de iOS está estructurado en frameworks ou kits específicos segundo a súa funcionalidade. Nesta ligazón está dispoñible a documentación do SDK de iOS

Swift como linguaxe non permite desenvolver apps para iOS se non dispoñemos do SDK. Ambos elementos están incluidos en Xcode.

• https://developer.apple.com/documentation

Durante este curso empregaremos algunhas das frameworks, como: SwiftUI, imprescindible para crear a interface.