Tecnoloxías dispoñibles

Contido:

Plataformas de desenvolvemento de software para móbiles
Máis info
Smartphones
Sistemas Operativos
Plataformas de desenvolvemento

Cando vas desenvolver unha aplicación para un dispositivo móbil, algunhas das primeiras preguntas que che podes facer son:

Sobre que tipos de dispositivos móbiles pódense facer programas?
Sobre que tipo de hardware pódese programar?
Que sistema operativo pode levar ese hardware?
Que plataformas de desenvolvemento existen para desenvolver sobre ese hardware e ese sistema operativo? Con que linguaxes podo programar? que ferramentas (compiladores, bibliotecas, contornas, etc.) hai dispoñibles?

No mercado é posible atopar, como viches xa, con teléfonos móbiles (smartPhones), tablets e con outros dispositivos. Neste módulo so vamos a ter en conta os teléfonos móbiles.

Plataformas de desenvolvemento de software para móbiles #

Se o que desexas é coñecer algo acerca das plataformas de desenvolvemento dispoñibles para cada contorna (hardware e/o sistema operativo), podemos falar de Java ME, ou ben de IDE como Xcode, Eclipse, Netbeans, Microsoft Visual Studio,….

Máis info #

Smartphones #

Que é un smartPhone? #

Pódese definir un smartPhone ou «teléfono intelixente» como un terminal de telefonía móbil que proporciona unhas prestacións e unha funcionalidade maior que a que podería ofrecer un teléfono móbil normal.

Hoxe día unha boa parte dos teléfonos móbiles que se poden adquirir no mercado son deste tipo.

Este tipo de terminais caracterízase por ter instalado un sistema operativo e por tanto a posibilidade de executar aplicacións desenvolvidas ben polo propio fabricante do terminal, ben polo operador de telefonía móbil, ou ben por un terceiro (empresa de desenvolvemento de software).

Aínda que o dispositivo é un teléfono móbil moitas veces o seu uso principal non vai ser necesariamente o dun teléfono (facer e recibir chamadas) senón que poderá estar dedicado a moitos outros usos (facer fotos, navegar por Internet, reproducir arquivos de audio, xogar, xestionar a axenda persoal, consultar un mapa, usar un dicionario, escoitar a radio, ver unha película, trazar un roteiro para o navegador por satélite, etc.).

Dentro de moi pouco tempo é probable que se deixe de empregar o termo smartPhone ou «móbil intelixente» pois todos os terminais móbiles serán deste tipo e falarase simplemente de «teléfonos móbiles». De feito na práctica xa ocorre hoxe día, pois cando nos achegamos a algún catálogo de produtos a inmensa maioría de terminais que se nos ofrecen son deste tipo.

Características #

Algunhas outras características que adoitan ter este tipo de dispositivos son:

Funcionamento en multitarea (execución concorrente de varios procesos no sistema operativo).
Acceso a Internet.
Conectividade Wi-fi, Bluetooth, etc.
Posibilidade de conexión cun computador para cargar e descargar información. Normalmente con conexión USB ou ben unha conexión inalámbrica.
Posibilidade de ampliación de memoria mediante tarxetas externas de memoria (por exemplo SD).
Pequenas pantallas pero de alta resolución.
Pantallas táctiles ou mesmo multitáctiles (multitouch).
Sensores (de orientación, de temperatura, de presión, acelerómetros, magnetómetros, etc.).
Cámaras dixitais integradas. Capacidades fotográficas. Gravación de audio e vídeo.
Receptor GPS.
Posibilidade de instalar e executar aplicacións sofisticadas:
- Aplicacións de asistente persoal (xestión de contactos, calendarios, citas, axendas, alarmas, etc.).
- Xestión do correo electrónico.
- Xestión do sistema arquivos do dispositivo.
- Aplicaciones de ofimática (procesador de textos, folla de cálculo, etc.).
- Aplicacións multimedia (reprodución de audio e vídeo en diversos formatos).
- Aplicacións de cartografía e navegación.
- Dicionarios.
- Pequenas aplicacións científicas (matemáticas, física, medicina, etc.).
- Xogos.
- Aplicacións de mensaxería instantánea. Chats.

Fabricantes de smarthphones con máis ventas #

Máis info: Podes consultar os principais fabricantes de móbiles neste artigo

O interior dun smartPhone #

Se se che ocorrese abrir un teléfono móbil actual atopariámosche unha placa de circuíto impreso cunha serie de dispositivos electrónicos integrados ou insertos nela. En certo xeito podería lembrar un pouco á placa basee dun PC.

Entre os dispositivos que poderías observar atoparíanse o procesador principal, procesadores dixitais de sinal (DSP), procesadores de imaxe e de audio, módem, memorias caché, codecs de audio e vídeo, etc.

A este conxunto de dispositivos integrados na placa adóitaselle chamar chipset (o cal che debería lembrar ao mundo do hardware dos PCs e aos conceptos estudados no módulo Sistemas Informáticos).

A principal arquitectura de microprocesadores utilizada para telefonía móbil é a deseñada pola empresa ARM («Advanced RISC Machines», hoxe día ARM Holdings), tendo actualmente máis do 90% da cota de mercado non xa só para teléfonos móbiles, senón en xeral para todo tipo de pequenos dispositivos electrónicos que necesitan un microprocesador.

Hoxe día moitas outras empresas deseñan microprocesadores baseados nas patentes da arquitectura dos procesadores ARM por exemplo DEC, IBM, Texas Instrument, Samsung, Intel, Atmel, Alcatel-Lucent, Apple, Qualcomm, LG, Nintendo, Philips, Oki, Yamaha, etc. Uno dos máis coñecidos é por exemplo o Intel XScale.

Máis info… #

Máis info: ARM:¿Qué es y para que sirven? ¿Qué aportan estos procesadores?

Sistemas Operativos #

Introdución #

En canto aos sistemas operativos, dependendo do hardware haberá sistemas deseñados para uns ou outros dispositivos.

Basicamente, os sistemas operativos principais dos smarphones baseanse en:

Apple iOS. O sistema operativo Apple iOS é o usado en todos os móbiles iPhone, ademais de versións antigas de iPad (agora usan a variante iPadOS) e os iPod Touch.
Android (baseado en Linux). O gran competidor de iOS, sen dúbida, é Android. Estes dous son os sistemas operativos móbiles máis importantes da historia e, sen eles, o mundo dos smartphones non sería o que é.

Non todo é Android e iOS no mundo dos sistemas operativos móbiles. Aínda que teñan unha cota de mercado ínfima, hai outros SO que teñen o seu nicho de usuarios e as súas características especiais.

Tizen é un sistema operativo móbil baseado en Linux que foi desenvolto por Samsung, inicialmente en 2012. Creouse a partir de Bada, o sistema que a compañía usou antes de Android.

Ademais dos sistemas actuais, no pasado houbo unha gran cantidade de sistemas que hoxe están en desuso. Repasemos os máis importantes.

Windows Phone e Windows 10 Mobile. Ata a chegada dos smartphones, a maioría de PDAs contaban co sistema Windows Mobile. En canto chegaron Android e iOS, Microsoft quixo competir con eles lanzando Windows Phone.
Outro caso de sistema operativo que caeu no esquecemento é Blackberry OS, dos míticos terminais Blackberry, pioneiros no mundo dos smartphone.
Finalizamos esta revisión de sistemas operativos móbiles co que chegou a dominar o mercado antes da chegada de iOS e Android, Symbian, un sistema usado principalmente por Nokia, pero tamén por Samsung, Motorola ou Sony Ericsson